Apeqqutit akissutaalu

Kontut akiliinerillu

Qanoq møntinik piniarsinnaavunga?

Møntinik piniarniaruit illoqarfigisanni TELE-POST-imi saaffiginnissinnaavutit.

Qanoq aningaasanik ikisisinnaavunga?

Aningaasanik tigusisarfiutitsinni tamani aningaasanik tigusisinnaavutit. Nuummi marlunnik tigusisarfiuteqarpugut, maannalu Nuummi immikkoortortaqarfitsinni tigusisarfimmi aningaasanik ikisisoqarsinnaalernissaa sulissutigaarput.

Akiligassakka akilereerukkit sinneruttussat qanoq amerlatigissanersut qanoq paasiniarsinnaavara?

Akiligassatit tamaasa netbankinni aalajangersimasumik nuussisarnertut iluarsaassimagukkit betalingsservicemulluunniit ilanngussimagukkit, taava siunissami akiliutigisassatit netbankikkut takusinnaassavatit.

Netbankimut iserit – qulaani saamiatungaani ”Menu” toqqaruk, kingornalu ”Kontooversigt” toqqarlugu – konto paasiniaaffiginiakkat tooruk – taava qulaatungaani tuugassaq ”Vis fremtidige betalinger” tuussavat. Tassani aamma piffissaq aalajangersimasoq toqqarsinnaavat. Taava siumut akiliutigisassatit nuisinneqassapput.

Unnukkut nakkartitsivinnut qanoq ikisisinnaavunga?

Unnukkut nakkartitsiviit (døgnboks) atorlugit aningaasanik ikisiniaruit tassunga ikisisinnaanissat pillugu bankilu isumaqatigiissusioqqaartussaavusi. Unnukkut nakkartitsivimmut ikisisarnissaq pillugu isumaqatigiissusiorusukkuit uatsinnut attaveqarnissannut tikilluaqquatsigit – netbankikkut allaffigisinnaavatsigut sianerfigalutaluunniit.

Kontoma normua sukkut takusinnaavara?

Kontonormut netbankikkut kortinnilu akiliutinni takusinnaavat.

Kontonormora sukkut takusinnaavara?
Kontonormut netbankikkut kortinnilu akiliutinni takusinnaavat.
App-imi ”Min økonomi” toorlugu nuisissavat, nittartakkakkullu alakkarukku ”Menu” tooriarlugu ”Kontooversigt” toorlugu.

NemKontora qanoq allanngortissinnaavara?

Marlunnik periarfissaqarputit:

Nemkontop kiffartuussivianut (selvbetjeningimut) iserit, registreringsnormu kontonormulu allakkit, kingornalu ”Gem” toorlugu.
Netbankikkut banki allaffigiuk.

Qanoq ilillunga kontora NemKontonngortissinnaavara?

Marlunnik periarfissaqarputit:

www.nemkonto.dk
Kiffartuussivimmut (selvbetjeningimut) iserit, registreringsnormu kontonormulu allakkit, kingornalu ”Gem” toorlugu.
Netbankikkut banki allaffigiuk.

Qanoq ilillunga nunanut allanut aningaasanik nuussisinnaavunga?

Netbankikkut ajornaatsumik nunanut allanut aningaasanik nuussisinnaavutit. Netbankimut iserit, ”Betal og overfør” qineruk, taavalu ”Udland” toorlugu.

Apeqqutissaqaruit uatsinnut saaffiginninnissannut tikilluaqqusaavutit.

Kontonni uninngasuutikka qanoq paasisinnaavakka?

Netbankikkut aningaasanilluunniit tigusisarfiutitsinni kontomi uninngasuutitit takusinnaavatit.

Netbank-appimi uninngasuutitit takuniarukkit ”Min økonomi” tuussavat, nittartakkatsinni ”Menu” tooriarlugu ”Kontooversigt” tuussavat.
Aningaasanik tigusisarfiutitsinni uninngasuutitit paasiniarukkit kortit ikkutissavat kodelu toortarlugu, taava ”Sullissinerit allat” tooriarlugu ”Killiffik” tuussavat.

Nunatsinni kontomut allamut qanoq nuussisinnaavunga?

Netbankikkut aningaasanik nuussineq ajornaallunilu akeqanngilaq. Netbankimut iserit, ”Betal og overfør” tooruk, kingornalu ”Overfør” toorlugu.

Qanoq girokorti akiliiffissarluunniit alla akilersinnaavara?

Girokorti akiliinermulluunniit korti netbankikkut akilerukku ajornaallunilu akikinnerujussuuvoq. Netbankimut iserit, ”Betal og overfør” toqqaruk, kingornalu ”Betal indbetalingskort” toorlugu.

Kontokka sukkut takusinnaavakka?

Netbankimut iserit – ”Menu” qulaani saamiatungaaniittoq tooruk, kingornalu ”Kontooversigt” toorlugu.

Mobiilikkut netbankimut iseruit ataatungaaniittoq ”Min økonomi” tuussavat, taava kontotit tamarmik nuisinneqassapput.

Kontonni pisimasut sukkut takusinnaavakka?

Netbankikkut kontonni pisimasut takusinnaavatit.

Netbankimut iserit kontolu takuniakkat toorlugu. Aamma ullut piffiilluunniit aalajangersimasut takujumallugit ullunik toqqaasinnaavutit.

Mobilinni netbankikkut aamma kontomi pisimasut takusinnaavatit, kisianni tassani ukiuni kingullerni marlunni pisimasut taamaallaat takusinnaavatit. Mobilinni netbankimut iserit kontolu takuniakkat toorlugu. Piffissaq aalajangersimasoq takuniarukku ullui toqqakkit.

Qanoq ilillunga aningaasanik tigusisinnaavunga?

Qaqugukkulluunniit aningaasanik tigusisarfiutitsinni tigusisinnaavutit. Tigusisarfiuterput ataaseq immikkoortortaqarfitsinniippoq, aappaalu Nuuk Centerimiilluni.

Qanoq aalajangersimasumik nuussisalersinnaavunga?

Netbank app-i atorlugu iseruit ”Menu” ataani teqeqquani talerperlermiittoq tuussavat. Taava ”Betalinger” tooriarlugu ”Faste overførsler” tuussavat. Nutaamik isumaqatigiissusiorniaruit qulaani teqeqquani talerperlermi + tuussavat. Immersugassat immersukkit, kingornalu ”Opret fast overførsel” toorlugu.

Akiliinermut isumaqatigiissusiakka sukkut takusinnaavakka?

Netbankimut iserit – ”Menu” tooruk, taavalu ”Betalinger” tooriarlugu “Betalingsaftaler” toorlugu.

Netbank app-i atorlugu iseruit ”Menu” ataani teqeqquani talerperlermiittoq tuussavat. Kingorna ”Betalinger” tooriarlugu ”Betalingsaftaler” tuussavat.

Qanoq ilillunga kontonnut piginnaatitsissummik tunniussisinnaavunga?

Netbankikkut allaffigitigut – taava ataatsimiiffissamik ulluliissaagut, taava kinaassutsissinnut uppernarsaatinik nassarlusi isumaqatigiissummik atsioriartussaasi.

Bankip SWIFT/BIC kodia qanoq paasisinnaavara?

Bankip SWIFT/BIC-koderaa BANOGLG2, nittartakkatta naqqani allassimajuaannarpoq, www.bankivik.gl.

IBAN-normora qanoq paasisinnaavara?

Netbankikkut IBAN-normut nassaarisinnaavat.

Netbankinnut iserit kontolu IBAN-normumik paasiniaaviginiakkat toorlugu – qulaani talerpiatungaani toorneeqqat pingasut tuukkit, kingornalu ”Kontodetaljer” toorlugu. IBAN tassani ersissaaq.

Mobiilikkut netbankimut iseruit konto IBAN-normumik paasiniaaviginiakkat tuussavat, taava toorneeqqat qulaani talerpiatungaaniittut tussavatit kingornalu ”Se kontodetaljer” toorlugu. IBAN tassani ersissaaq.

Akiliutigisartakkakka sumi takusinnaavakka?

Ukiumoortumik takusassiami januaarimi netbankikkut nassiunneqartartumi akiliutit akiliutigisartakkatit takusinnaavatit. Netbankimut iserit, ”Menu” tooruk, kingornalu ”Dokumenter”, taavalu ”Dokumentarkiv” toorlugu. Mobiilikkut netbankimut iseruit ”Menu” tooriarlugu ”Arkiv” toqqassavat.

Akiliutit akiliutigisassatit sulili akilersimanngisatit aamma takusinnaavatit. Netbankimut iserit kontolu paasiniaaviginiakkat toorlugu – qulaani talerpiatungaani toorneeqqat pingasut tuukkit, kingornalu ”Kontodetaljer” toqqarlugu.

Mobiilikkut netbankimut iseruit, taava konto paasiniaaviginiakkat tuussavat. Qulaani talerpiatungaani toorneeqqat tuukkit, kingornalu ”Se kontodetaljer” toqqarlugu.

Kontonni erniarititaasut sumi takusinnaavakka?

Netbankimut iserit kontolu paasiniaaviginiakkat toorlugu – qulaani talerpiatungaani toorneeqqat pingasut tuukkit, kingornalu ”Kontodetaljer” toqqarlugu.

Mobiilikkut netbankimut iseruit, taava konto paasiniaaviginiakkat tuussavat. Qulaani talerpiatungaani toorneeqqat tuukkit, kingornalu ”Se kontodetaljer” toqqarlugu.

Aningaasanut atukkanut takussutissamik qanoq pissarsisinnaavunga?

Netbankikkut aningaasanut atukkanut takussutissamik nassinneqallattaasarputit. Taakku tamaasa netbankinnut iserlutit nassaarisinnaavatit. Netbankimut iseriarlutit ”Menu” toqqaruk, kingornalu ”Dokumenter”, taavalu ”Dokumentarkiv” toorlugu. Mobiilikkut netbankimut iseruit ”Menu” tooriarlugu ”Arkiv” tuussavat.