Aallartisarnissamut taarsigassarsiat

Aallartisarluarneq – 50.000 kr.-it tungaanut taarsigassarsineq

Nuulerpit, nunanut allanut ilinniarialerpit, allatulluunniit avatangiisitit allanngortilerpigit?
Inuusuttunut – aningaasaqarnikkut imminnut artukkerujussuanngikkaluarlutik aallartisarnialersunut – taarsigassarsianik periarfissaateqarpugut.

Taarsigassarsissaguit uku piumasaqaataapput:

• 18-it 28-llu akornanni ukioqassaatit
• Kalaallit Nunaanni najugaqartutut nalunaarsorsimassaatit, imaluunniit
• Nunani allani ilinniartuussaatit, ass. Danmarkimi

Taarsigassarsiat pillugit:

• Aningaasat taarsigassarsiarineqarsinnaasut: 50.000 kr.-it tungaanut
• Akilersuinermut piffissaliussaq: Ukiut tallimat tungaanut
• Isumaqatigiissusiornikkut piffissap ilaani taarsersuutitaqannginnissaa periarfissaavoq
• Erniat akiliutillu allattorsimaffinniittut naapertorlugit pisarput
• Taarsigassarsisitsinermi taarsiisinnaassusermik naliliineq nalinginnaasoq piumasaqataasarpoq

Taarsigassarsiat sumut atorneqarsinnaappat?

• Nutsernermut aallartisarnermullu aningaasartuutit
• Initaaqqaarnissamut aallaqqaatissatut akiliummut
• Pequtinut, igaffimmi errorsisarfimmilu atortorissaarutinut, atortorissaarutinullu allanut
• Ilinniarnermut sulinermulluunniit atatillugu sannatinut, atisanut allanullu

Aallartisapallakkusuppit?

34 79 00-imut sianerfigitigut internetikkulluunniit ataatsimiinnissamik inniminniillutit – ulloq bankip ammaffigisaa ataaseq qaangiutsinnagu akissuteqassaagut.
Aallartisarninni ikiussavatsigit – kinaagaluaruilluunniit.

Taarsigassarsiniaruit siunnersuutit sisamat

1. Missingersuusiorit
   Missingersuusioruit aningaasaqarnerit malinnaaffigiuminarnerussaaq. Isertitatit aningaasartuutitillu takussavatit, oqimaaqatiinnersullu nalilersinnaassallugit, taamaasillutillu taarsigassarsisinnaassanerlutit aamma nalilersinnaassallugu. Ugguuna paasisaqarnerullutillu missingersuusiornissamut immersugassaq aajuk.
2. Ileqqaagaqarit
   Taarsigassarsitinnak ileqqaagaqaqqaarnissaq innersuussutigaarput. Ilaatigut taava taarsigassarsinissamut pisariaqartitsinerit annikinnerussaaq, aammali ilinnut bankinnullu uppernarsassavat aningaasaqarnikkut ima ingerlalluartigalutit, taamaammallu taarsigassarsianik akilersugaqarsinnaallutit.
3. Taarsigassarsiatit akilersortakkit
   Taarsigassarsisimaguit akilersuinissannut isumaqatigiissusiarisimasavit ataqqinissaat pingaaruteqarpoq - ilinnut bankinnullu pitsaanerussaaq.
4. Ilinnut ilungersunarpallaartumik akiitsornak
   Silatusaarnissaq ilaanni eqianarsinnaagaluarpoq, aningaasanulli tunngatillugu minnerunngitsumik pingaaruteqarpoq. Aningaasartuutitit isertitarisartakkannit annertuneruppata nuannersunut akissaqanngitsuussaatit - taamaasillutillu aamma taarsigassarsiaqaruit akilersornissaannut akissaqanngitsuussallutit.