Meeqqanut ileqqaakkat

Meeqqamut ileqqaagaqarlutit qitornavit inersimasunngorluni namminiilernissaanut iluaqutissaanik piareersaalereersinnaavutit. Inuusuttuunermi inersimasunngornermilu aningaasartuutaasinnaasunut iluaqutaangaatsiarsinnaavoq, soorlu makkununnga: ilinniartuulluni qarasaasiartaarnermut, kørekortimut, initaassamulluunniit akiliutissanut.

Angajoqqaat, aanaakkut aataakkut, aanaqqiikkulluunniit aataqqiilu meeqqamut ileqqaakkamik pilersitsisinnaapput.

Meeqqanut ileqqaakkat naatsumik ilisaritinnerat

  • Pilersinneqarsinnaavoq meeqqap inunngorneranit meeqqap 18-iliinissaata tungaanut
  • Allanngorartumik erniaqarpoq
  • Meeraq 15-iliippat aningaasat tiguneqarsinnaassapput, kingusinnerpaamillu ukiumi meeqqap 21-liiffiani

Meeqqanut ileqqaakkat aningaasaliissutigikkit

Meeqqamut ileqqaakkat kontomi uninngatiinnarnagit aningaasaliissutigigukkit ileqqaakkat annertunerusumik iluanaaruteqarfigisinnaavatit. Taamaattorli aamma nalorninaatitaqartuaannarmat annaasaqartoqarsinnaavoq, taamaammallu aningaasaliiniaraanni siunnersortimik oqaloqateqaqqaarnissaq innersuussutigiuaannarparput