Click to Pay

Click to Pay

Click to Pay akileeriaasiuvoq digitaliusoq internetikkut pisiniarnermi atorneqarsinnaasoq.

Click to Pay atorlugu onlinekkut sukkasuumik isumannaatsumillu akiliisinnaavutit, kortip paasissutissartai toortanngikkaluarlugit. Kortit ataasiarlutit nalunaarsuinnassavat, taava tulliani Click to Pay atorlugu akiliileruit ataasiaannaq toorsillutit akiliissaatit.

Ugguuna Click to Pay-imi atuisutut nalunaarsortigit

 

Ima atulissavat

  • Netbankinnut iserit
  • "Menu" toqqaruk
  • "Mine kort" toqqaruk. Korti Click to Pay-imut ilanngunniakkat toqqaruk.
  • "Føj til Click to Pay" tooruk
  • Ilitsersuutit nuisut malikkit

 

FAQ

Click to Pay sunaana?
Kortit Click to Pay-imut ilanngukkukku illit attaviginissannut paasissutissat, najukkat, kortivillu paasissutissartai Click to Pay-imi atuisunnut Mastercardimut atasumut nalunaarsorneqassapput.
Taava internetikkut pisiniarfinni Click to Pay-ip ilisarnaataanik assiliartalinni Click to Pay atorsinnaalissavat. Isileruit e-mailadresset allaannassaavat, immaqalu uppernarsaallutit kodemik ataasiartakkamik toortagassaqassallutit.
Sooq Click to Pay atussavara?
Click to Pay internetikkut pisiniarneq pisariillisarumallugu isumannaallisarumallugulu pilersitaavoq, taamatut akiliinermi korti pillugu paasissutissat pisiniarfimmut tunniunneqarneq ajormata.
Click to Pay qanoq atorneqartarpa?
Onlinekkut pisiniarfimmi akiliileruit Click to Pay-ip ilisarnaataa takugukku e-mailadresset mobilnormulluunniit atorlugu isersinnaassaatit. Kortit Click to Pay-imut ilanngunneqarsimasut atorlugit akiliisinnaavutit. Ilaatigut kode ataasiartagaq uppernarsaatitut piumaneqartarpoq.
Click to Pay onlinekkut pisinermi taamaallaat atorneqarsinnaava?
Aap, Click to Pay onlinekkut ajornaatsumik akiliisinnaaqqullutit pilersitaavoq, kortip paasissutissartai isissutissalluunniit allat toortaqqaarnagit akiliisinnaaniassagavit.
Kortit suut Click to Pay-imi atorneqarsinnaappat?
Siullermik Mastercard kisimi atorsinnaagallassaaq. Kingusinnerusukkut Visa aamma atorsinnaalerumaarpoq.
Qaqugukkut Click to Pay atortarsinnaavara?
Internetikkut pisiniarfimmi akiliileruit Click to Pay-ip ilisarnaataa nuisagaangat.
Internetikkut pisiniarfik Click to Pay-imut atagaangat aatsaat ilisarnaataa ersittarpoq.
Paasissutissaatikka allanngortissinnaavakka? – soorlu najugara mobilnormoraluunniit?

Aap. Mastercardimi Click to Pay-imi atuisunnut iseriarlutit paasissutissat allanngortissinnaavatit.

Ilaatigut kinaassutsit uppernarsaqqullugu kodemik ataasiartakkamik toortaaqquneqarsinnaavutit. Taava SMS-ikkut mobilnormumut nalunaarsorsimasannut kodemik nassinneqassaatit, taannalu toortaqqaarlugu paasissutissat allanngortissinnaassallugit.

Click to Pay-imi paasissutissaatikka netbankikkut allanngortissinnaavakka?
Naamik. Massakkuugallartoq Click to Pay-imi atuisutut paasissutissat Mastercard Click to Pay toqqaannartumik iserfigalugu taamaallaat isumagineqarsinnaapput.
Qanoq ilillunga kortera Click to Pay-imit peersinnaavara?
Qaquguluunniit kortit Click to Pay-imit peersinnaavat, tamanna netbankikkut mobilbankikkulluunniit pisinnaavoq, imaluunniit Mastercardimi Click to Pay-imi atuisunnut iserlutit. Malugiuk korti nalunaarsorsimasoq kingulleq Click to Pay-imit peeraluarukku atuisutut nalunaarsorsimanerit suli atuutiinnassammat, kingusinnerusukkut kortimik ilanngusserusussaguit ilanngussinnaaniassagakku. Paasissutissaatitit piivikkusukkukkit atuisoq atorunnaarsillugu peertariaqassavat. 
Kortit arlallit Click to Pay-imut nalunaarsorsinnaavakka?
Aap. Mastercardimit kortitit tamaasa Click to Pay-imut ilanngussinnaavatit. Kingusinnerusukkut Visa-kortit Visa/Dankortillu aamma ilanngussinnaajumaarpatit.
Ass. Aapparma kortia Click to Pay-imut nalunaarsorsinnaavara?
Naamik. Illit nammineq kortitit kisiisa Click to Pay-imut nalunaarsorsinnaavatit. Click to Pay-imi atuisoq namminiinnaq atugassiaavoq.
Kortit immikkut najugalersorsinnaavakka?
Aap. Kortit Click to Pay-imut nalunaarsorsimasatit assigiinngitsunik najugalersorlugit nalunaarsorsinnaavatit.
Qanoq ilillunga Click to Pay-imi atuisora atorunnaarsissinnaavara?
Qaquguluunniit Mastercard Click to Pay-imut iserlutit atuisut atorunnaarsissinnaavat. Atuisut atorunnaarsikkukku paasissutissat kortillu tamarmik tassannga peerneqassapput.
Paasissutissaatikka isumannaatsumik tunniunneqartarlutillu toqqorneqartassappat?
Aap. Paasissutissat isumannaatsumik paasiuminaallisarneqartarput (kryptering),  digital wallet-inut Apple Pay-imut Google Pay-imulluunniit ikkunneqaraangata pineqartarnermisut paasiuminaallisarneqartarput.
Allamik e-mailitaarsimaguma qanoq iliussaanga?

E-mailitoqqat suli iserfigisinnaagukku Mastercardimi Click to Pay-imi atuisunnut iseriarlutit atuisut atorunnaarsissinnaavat. Atuisorisimasat atorunnaareerpat nutaamik pilersitsillutit kortitit nalunaarsoqqissavatit, kortillu siulliup nalunaarsornerani e-mailitaat nalunaarsorlugu.

Netbankikkut mobilbankikkulluunniit taamaallaat kortimik ilanngussisoqarsinnaavoq.