
Ukiup sisamararterutaani siullermi taarsigas-sarsiarineqartut annertusisimapput
Ukiormanna qaammatini siullerni pingasuni naatsorsuutit inernerat kusanartoq BankNordikip ullumi saqqummiuppaa. Bankip Kalaallit Nunaanni ingerlatsinera siuariartor-pasippoq, atuisut eqeersimaarput taarsigassarsiarineqartullu annertusiartorlutik.
”Ukiormanna qaammatini siullerni pingasuni siuariartorneq ingerlaannartoq takusimavarput, Kalaallit Nunaannilu ingerlatsinitta siuariartornera assut iluarivarput. Siorna piffimmut tassunga naleqqiullugu Kalaallit Nunaanni sullitatsinnut taarsigassarsiarititagut 20%-imik annertuseriarsimapput, siumullu suli annertusinerusinnaanera naatsorsuutigaarput,” Árni Ellefsen, BankNordikimi pisortaaneq oqar-poq.
2021-mi piffimmut tassunga naleqqiullugu bankip tunngaviusumik ingerlatsinera 30%-imik pitsanngoriarsimavoq, isertitat annertusisimapput, ukiullu sinneranut ilimasaarutit neriulluarnarpasil-lutik. Taamaattorli imaassinnaavoq Ukrainemi sorsuttoqarnerata aningaasaqarnikkut kingunipilo-risinnaasai uatsinnut aamma sunniuteqartut.
Moody’s-imit pitsaasumik nalilerneqarneq
Marsimi kreditimik naliliisartut BankNordik pillugu naliliisarnertik aallarteqqippaat, naliliineratalu siul-liup inerneraa ”A2”, tassa naliliineq pitsaasoq, nalorninaatitaa appasissoq ilimasuutitaalu qaffasissoq. Moody’s-ip naliliisalernera bankip aningaasaliisartunit nutaanit ornigarneqarnerunissaanut iluaqutaa-sinnaavoq, aammalu bankip taarsigassarsiniarnissaanut obligationinilluunniit saqqummersitsinissaa-nut pitsaanerusunik atugassaqartitaanissaanut iluaqutaasinnaalluni.
Netbank nutaaq atulersinneqarpoq
Ukiup aallartinnerani BankNordikimi sullitat Netbanki nutaaq atorsinnaalerpaat. Netbank nutaaq bankip periarfissanik digitaliusunik siuarsaaniarneranut atatillugu saqqummersinneqarpoq. Uper-naap ingerlanerani sullitat tamarmik netbankimut nutaamut nuuttussaapput, taamaasillutillu bankimi sullinneqarnerminni oqilisaavigineqassallutik. Aasarulu aningaasaliinermut periarfissaq digitaliusoq nutaaliaallunilu atoruminarsagaq sullitatta aamma atorsinnaalissavaat. Tamanna BankNordikip Sa-xo Bankillu suleqatigiinnissamik isumaqatigiissusiorsimanerat aqqutigalugu piviusunngortinneqas-saaq, Saxo Bank ullutsinni aningaasaliinermut atatillugu periarfissanik nuannarineqarnerpaasunik periarfissaateqartuuvoq.
Naatsorsuutit inerneri pingaarnersiukkat
- Akileraarutit sioqqullugit inernerat tassaavoq 60 mio. kr., 2021-mi piffimmi tassani 117 mio. kr.-iuvoq, tassanngalu isertitat ataasiaannaq pisussat 77 mio. kr.-iullutik
- Appartitsinerit sioqqullugit ingerlatsinerup inernera 49 mio. kr.-iuvoq, 2021-mi piffimmi tassa-ni 38 mio. kr.-iuvoq.
- Taarsigassarsiarititanik appartitsinernik utertitsineq ilanngaatissat ilanngaatigereerlugit 10 mio. kr.-iuvoq, 2021-milu piffimmi tassani 3 mio. kr.-ulluni.
- Bankip taarsigassarsisitsinera 2021-mi piffimmi tassani 7,5 mia. kr.-iusimasoq 7,7 mia. kr.-inut qaffariarsimavoq.
- Bankip realkreditimik taarsigassarsisitsinera 2021-mi piffimmi tassani 2,4 mia. kr.-usimasoq 2,7 mia. kr.-inut qaffariarsimavoq
- Bankip uninngatitai 2021-mi piffimmi tassani 7,5 mia. kr.-usimasut 8 mia. kr.-inut qaffariar-simapput
- Siulersuisut naatsorsuutigaat ilanngaatissat ilanngaatigereerlugit 2022-mi naatsorsuutit iner-nerat katillugit 130 - 160 mio. kr.-ip nalaaniissasoq
Paasissutissat sukumiinerusut
Árni Ellefsen, pisortaaneq, tlf.: +298 230 348