Føroya Bankip vicedirektørinik marlunnik atorfinitsitsivoq
Ingerlatseqatigiiffimmi aqutsineq nukittorsarumallugu Føroya Banki atorfilittaminik marlunnik vicedirektørinngortitsivoq. Atorfinitsitsineq Bankiviup siulersorneqarneranut allannguissanngilaq, ingerlatseqatigiiffimmilu Turið F. Arge pisortaanertut ingerlaannassalluni.
Føroya Bankip ingerlatseqatigiiffiani aqutsinerup qullersaata nukittorsarnissaa siunertaralugu Brian Smedemark, forretningsdirektøriusoq, kiisalu Arnhold Olsen, finansdirektøriusoq vicedirektøritut atorfinitsinneqarput. Atorfinitsitsinerit taakku suliffeqarfiup aaqqissuussaanerani, akisussaaffiit agguataarneranni ulluinnarnilu aqutsinermi allannguutinik kinguneqassanngillat.
Brian Smedemark 2023-mili Føroya Bankimi forretningsdirektøriusimavoq, tamatumalu siornatigut ingerlatseqatigiiffiup sillimmasiisarfiutaani pisortaasimalluni. Taamatuttaaq 2019-imili Føroya Bankip ingerlatseqatigiiffiata aqutsisuinut ilaasimavoq. Arnhold Olsen 2013-imili ingerlatseqatigiiffimmi atorfeqarsimavoq, 2023-mi finansdirektørinngorpoq, tassungalu ilanngullugu aamma ingerlatseqatigiiffiup aqutsisuinut ilanngulluni.
Nunatsinni Bankivimmi aqutsisut allannguivigineqassanngillat, taamaasillutillu landedirektørissaq nutaaq augustip 1-iani atorfimmini aallartippat Bankivimmi aqutsisut tassaalissallutik: Anne Nivíka Grødem, landedirektør, Pia Holm Jensen, privatkundedirektør kiisalu Johanne Nive Mikkelsen, erhvervsdirektør. Paasissutissat sukumiinerusut
Rúna N. Rasmussen, tusagassiorfinnut attavissaq, tlf. +298 230478 imlt. rr@bankin.fo