Pisortanit akiitsut akilernissaannut taarsigassarsiat
Pisortanit 20-20-60-imik taarsigassarsiaqaruit massakkullu taakku tamakkerlugit akilerusukkukkit, taava taarsigassarsiatut periarfissarititarput una immaqa ilinnut piukkunnarpoq.
Erniat iluatinnartut
Pisortanit taarsigassarsiat tamakkerlugit akilerniaraanni “Pisortanit akiitsut akilernissaannut taarsigassarsiat” atorneqarsinnaavoq. Periarfissaq taanna iluatinnartumik erniaqarpoq, tamatumalu saniatigut taarsigassarsiat kursi 100 ataallugu akilersinnaassavatit. Pisortanit taarsigassarsiannik akilersuiffissaraluannit qanoq sioqqutsitiginerit apeqqutaalluni kursi appasinnerungaatsiarsinnaavoq – taamaasillutillu "Pisortanit akiitsut akilernissaannut taarsigassarsiat” ilinnut iluatinnarsinnaallutik.
Assersuut
Ukiut qulit qaangiuppata pisortanit taarsigassarsiatit akilersulertussaagukkit, massakkut kurs 74,41-p nalinganut tamakkerlugit akilersinnaassavatit. Tassa imaappoq, pisortanit 100.000 kr.-inik taarsigassarsiaqaruit massakkut tamakkerlugit akilernissaannut taamaallaat 74.410 kr.-inik akiliissaatit.
Siunnersortit attavigiuk
Eqqumaffigissavat pisortanit akiitsut akilernissaannut taarsigassarsillutit pisortanit taarsigassarsiatit akilerniarukkit tamatuma kingorna ingerlaannaq taarsigassarsiatit akilersorlugit aallartissagavit. Siunnersortivit aningaasaqarnerit misissoriarlugu massakkut pisortanit akiitsut akilernissaannut taarsigassarsillutit akilersuinissannut inissaqartitsinersutit nalilerlugu siunnersorsinnaavaatit.
Pisortanit akiitsut akilernissaannut taarsigassarsiat ilinnut piukkunnarnersut paasisaqarfiginerorusukkukku siunnersortit attavigigiuk, qanorlu periarfissaqarnersutit paasiniarlugu.
Paasinartumik siunnersorneqarit
Attavigaluta paasisaqarnerusinnaavutit