Bankivimmut finansmedarbejderissarsiorpugut
Sullitanut privatiusunut inuussutissarsiortunullu siuarsaaqataarusuppit – bankimilu ineriartortumi sulerusuppit? Nuummi Bankivimmi finansmedarbejderimik eqeersimaartumik suleqatissarsiorpugut. Atorfik ilaatigut sullissinermik, siunnersuinermik, allaffissornikkullu sulinermik ilaqassaaq. Pikkorissunik akuulluartunillu suleqateqarumaarputit, eqimattanilu suleqatissanni pingaarutilimmik inissisimajumaarlutit. Eqimattami suleqatigiit arfiniliussaasi.
Suliffitsinni suleqatigiinneq, aallussilluarneq, sullitanillu sullissilluarneq qitiutittarparput. Taamaammat immikkoortortaqarfiit akimorlugit suleqatigiittarpugut, allanngueqataanissaq pingaartittarparput, sullitattalu pisariaqartitai qitiutittuarlugit. Uatsinni ineriartornissannut periarfissinneqassaatit – piginnaasat tungaatigut aammalu inuttut. Suliffeqarfipput ineriartortuartuuvoq, inuttullu ilorrisimaarnissaq atorfimmilu ingerlalluarnissaq pingaartinneqarlutik. Tamatta suliatigut akuusuuvugut – aamma inuiaqatigiinni – suliffiullu nuannaarfiullunilu qiimaffiunissaa ulluinnarni pingaartitaraarput.
Suliffik pillugu
Finansmedarbejderitut sulileruit ulluinnarni tamatigoortumik suliffeqassaatit, sunniuteqaqataallutillu akisussaaffeqarlutit. Sullitanik kiffartuussisunut ilaassaatit, aammalu immikkoortortaqarfimmi siunnersortit filialsupportilu qanimut suleqatigalugit allaffissornikkut suliassaqartassallutit, sullitanut pitsaanerpaamik sullissinissaq anguniarlugu.
Suliassatit ilaatigut ukuussapput:
- telefonikkut saaffiginnittarfimmilu sullitanik ilassinninneq siunnersuinerlu
- sullitat saaffiginninnerinik suliarinninneq, taarsigassarsinissamik qinnuteqarnerit ilanngullugit
- naqissusiinermut nalunaarsuinermullu tunngasunik kiisalu isumannaallisaanermut tunngasunik suliarinninneq
- immikkoortortaqarfiup suliassaani allani ineriartornissamullu suliniutaani peqataaneq
Illit pillutit
Sulisussamik imaattumik pissarsiorpugut:
- aningaaserivimmi assingusumiluunniit sulinermik misilittagalimmik
- torersumik, suaqqanut eqqummaarissumik pitsaasumillu suleriaaseqartumik
- inulerinermik pappialarsornermillu suliaqarnissamik nuannarisalimmik
- inuttut saaffigiuminartumik suleqatinullu ilakkuminartumik nuannersaaqataasartumik
- sullitanik kiffartuussillaqqissumik
Atugassarititaasut
- Suliffik pissanganartoq, akisussaaffeqarfiullunilu sunniuteqaqataaffiusoq
- Suliffik pikkorissarnikkut allatullu ilinniaqqinnikkut piginnaasat tungaatigut inuttullu inerisarneqarnissamik periarfissiisoq.
- Suliffeqarfitsinni naligiiaarluta aaqqissuussaavugut, taamaammallu aalajangiinernut sunniuteqaqataasinnaalluta, suleqatigiittullu atalluarluta
- Atorfininnermi atugassarititaasut iluatinnartut, soorlu ilaatigut peqqinnissaqarfimmut sillimmaserneqarneq soraarnermusiassallu
- Nuannersunik aaqqissuussisarpugut, ulluinnarnilu nuannisaqatigiinneq illaqatigiissinnaanerlu aamma pingaartinneqartarluni
Soqutiginarpaluppa?
Qinnuteqaatit ataavartumik ingerlattarpagut, qinnuteqartoqaraangat oqaloqatiginninnerit ingerlattarlugit. Qinnuteqarnissat qilanaaraarput.
Qinnuteqarfissaq kingulleq tassa ataasinngorneq februaarip 16-iat 2026.
Atorfik pillugu paasisaqarnerorusukkuit Sara Trolle Nedergaardimut, teamlederiusumut, attaveqarnissannut tikilluaqqusaavutit: stn@bankivik.gl imlt. tlf. +299 34 79 37.