Ilitsersuut
Bankiviup mobilnetbankia atorlugu nunanut allanut qanoq nuussisoqarnissaa pillugu siunnersuutit ilitsersuutillu aajuku.
Nunanut allanut nuussinerit
Nunanut allanut nuusseriaatsit assigiinngitsut marluupput:
- Nalinginnaasoq: Ullut suliffiusut marluk iluanni bankimut tigusisussamut apuuttarput.
- Tuaviuussaq: Ullut suliffiusut 0-it iluanni bankimut tigusisussamut apuuttarput.
Ullormut killiliussat ukuupput:
- Nuussineq nalinginnaasoq ullaap tungaa nal. 11.00 sioqqullugu.
- Nuussineq tuaviuussaq ullaap tungaa nal. 10.00 sioqqullugu.
Ullormut killiliussat qulaani taaneqartut qaangiussimatillugit nuussiguit Bankiviup nuussineq ullormi suliffiusumi tulliuttumi suliarissavaa.
Alloriarneq 1
Toortagaq tungujortoq toorlugu aallartigit.
Alloriarneq 2
Toortagaq qasertoq ”Udland” toorlugu ingerlaqqigit.
Alloriarneq 3: Nunap aningaasaatai toqqakkit
- Aningaasat nuunniakkavit amerlassusaat immersuiffissamut allakkit.
- Toortagaq qasertoq “DKK” toorlugu nunap aningaasaataasa suussusaat toqqaruk.
- ”Næste” toorlugu ingerlaqqigit.
Alloriarneq 4: Kontomit nuussigit
- Konto nuussinermi tigusiffiginiakkat toqqaruk.
Alloriarneq 5: IBAN atorlugu atornaguluunniit
Immersugassamut ”IBAN/Kontonummer”-imut IBAN-normu toortaruk. BIC/SWIFT nammineerluni immersorneqassaaq.
Nunamut IBAN-imik atuiffiunngitsumut nuussiniaruit immersugassamut “IBAN/Kontonummer”-imut kontonormu toortariarlugu BIC/SWIFT ilanngullugu toortassavat.
Bankip nuussiffiginiakkavit BIC/SWIFT atugarinngippagu, kontonormu immersuiffissamut toortariarlugu ”Ingen BIC/SWIFT” toqqassavat. Kingorna FW/ABA/Routing nr. immersoriarlugit banki nuussiffiginiakkat pillugu paasissutissat immersussavatit.
Nuussiffiginiakkat pillugu paasissutissat toqqorniarukkit toortagaq qasertoq sinaaniittoq “Gem modtager” tuussavat. IBAN-normu kontonormuluunniit toortareerukkit tuugassaq taanna nuissaaq.
Alloriarneq 6: Aningaasartuutissat agguataarnerat, ulluliineq, nuussinerullu suussusaa
”Omkostningsfordeling” toorlugu nuussinermi aningaasartuutit illit tigusisussallu akunnissinni qanoq agguataarneqarnissaat aalajangissavat.
Periarfissat pingasuupput:
- Nassiussisup tigusisullu avissavai. Nassiussisup Kalaallit Nunaanni aningaasartuutit akilissavai, tigusisullu nunani allanit aningaasartuutit akilerlugit. Tigusisussap taava aningaasat nuunneqartut tigussavai, kisianni nunani allani aningaasartuutaasut tassannga ilanngaanneqassapput.
- Tigusisup akilissavai. Tigusisussap aningaasartuutit tamaasa akilissavai. Tigusisussap taava aningaasat nuunneqartut tigussavai, kisianni nuussinermi aningaasartuutit tamarmik tassannga ilanngaanneqassapput.
- Nassiussisup akilissavai. Nassiussisup aningaasartuutit tamaasa akilissavai. Tigusisussap aningaasat nuunneqartut tamaasa tigussavai.
Ullormi aalajangersimasumi aningaasat ikineqarnissaat kissaatigigukku toortagaq ullorsiutitut isikkulik tuussavat ullorlu nuussiffiginiakkat toqqarlugu. Ingerlaqqinniaruit ”Næste” skærmip naqqaniittoq tuussavat.
Tuaviuussamik nuussiniaruit tuugassaq ”Overførselstype” tuussavat.
Alloriarneq 7: Tigusisoq oqaaseqaatitarlu
Immersugassat tamarmik immersortussaapput.
Modtager: Tigusisussap aqqa, najugaa, nunagisaalu immersukkit.
Besked: Nuussinerup siunertaa immersoruk.
Alloriarneq 8: Nuussineq akueriuk
Tikkuut saamianiit talerpimmut ajallugu nuussineq akueriuk.
Nuussineq piffimmut kingusinnerusumut toqqorusukkukku tuugassaq qasertoq ”Gem til senere” tuussavat. Nuussinerit toqqorsimasatit uani takusinnaavatit ”Aktiviteter” – ”Betalinger”.
Qinnuigineqaruit kode toortagassaq SMS-ikkut tigusimasat toortassavat.
Nuussineq MitID atorlugu akueriuk.
Alloriarneq 9: Nuussineq naammassivoq
Nunanut allanut nuussinerit maanna naammassivoq. Nuussineq pillugu paasissutissat takuniarukkit kontomut tigusiffigisimasannut iseriarlutit nuussineq pilerseqqammikkat tuussavat.