MobilePay – ajornaatsumik isumannaatsumillu aningaasanik nuussineq

MobilePay atorlugu isumannaatsumik ajornaatsumillu smartphone atorlugu aningaasanik nuussisinnaavutit, tigusisussap kontonormua paasinngikkaluarlugu, MitID-lu atornagu. MobilePay atoraanni kontonormu mobilnormumut atassuserneqartarpoq – taamaammat aningaasanik nuussiniaruit tigusisussap mobilnormua paasigukku naammappoq. Aamma mobilnormut kisiat tunniullugu allanit aningaasanik nassinneqarsinnaassaatit.

MobilePay ima atulissavat

MobilePay atulerniarukku CPR-normoqassaatit MitID-qarlutillu.

Taava MobilePay-app-i aassavat, App Store imlt. Google Play aqqutigalugu, atulersinnissaanullu ilitsersuutitaa skærmimi nuisoq malillugu. Atulernissaanut MitID atussavat – taamaalioreeruillu aningaasanik nuussinissannut nassitsinnissannullu piariissaatit. MitID ataasiaannarlutit atussavat, tassa MobilePayip atulersinnerani.

Ulluinnarni aningaasat tigummiat atorlugit akilertakkatit MobilePay atorlugu maanna isumagisinnaalerpatit. Soorlu neriartorsimagussi, kaffisisimaguit, filmeriarnermiluunniit isissutissanik akiliillutit akiliussigallarsimaguit ilatit ingerlaannaq oqarfigisinnaavatit, tassuunalu akiliisillugit. Aamma MobilePay app-imi mobilikkut akiliisimanitit aningaasallu ikineqarsimasut ajornaatsumik malinnaavigisinnaavatit.

Pisiniarfinni arlalinni aamma MobilePay atorneqarsinnaalernikuuvoq, taamaasillutillu pisinialeraangavit mobilit nassarukku naammassinnaalluni.
Aamma mobiltelefoneqarnermut aviisinilluunniit pisartagaqarnermut akiliutit MobilePay atorlugu akilerneqarsinnaapput, aningaasanillu tunniussiniaruit pilluaqqussutitalerlugilluunniit tassuuna nuunneqarsinnaallutik. Allarpassuarnik aamma periarfissaqarpoq, MobilePay sumut atorsinnaanerlugu ugguuna paasisaqarnerusinnaavutit. 

MobilePay meeqqanut 15-it inorlugit ukiulinnut

15-iliineqanngitsunut MobilePay atorlugu meeqqat MobilePay-eqarsinnaavoq, isumannaatsunillu sinaakkuteqarluni aningaasanik digitaliusunik atuineq ilinniarsinnaallugu. Angajoqqaatut akisussaasutulluunniit malinnaasinnaatitaavutit, periarfissallu suut meeqqavit atorsinnaassanerai aqussinnaallugu.

15-iliineqanngitsunut MobilePay atorlugu meeraq isumannaatsumik:

• Aningaasanik nuussillunilu pisinnaassaaq

• Akileeqqusissutinik nassiussisinnaassaaq aningaasartuutinillu akileeqataasinnaalluni

• Pisiniarfinni kioskinilu MobilePayimi normunut allanut akiliisinnaassaaq

• Onlinekkut akiliisinnaassaaq

• Kissaatini allattorsinnaassavai siammartersinnaallugillu

• Meeraq 13-iliippat korti akiliutaasoq MobilePayimut atassusersinnaassavaa.

Ima meeraq MobilePayitaartissinnaavat