Chatbotitaarput Ivik misilerarniaruk
Ivik avammut saqqummiutsinnagu akissutai ajunnginnersut paasinarnersullu misissorusuppavut, taamaaliornissatsinnullu ikiortissarsiorpugut.
Ivik misiliguk, bankimut arlaannik apeqqutigisinnaasannik apersorlugu. Assigiinngitsunik apersorsinnaavat, nammineq oqaatsitit atorlugit.
Iviup suut ilisimasaqarfigai?
Iviup banki pillugu apeqqutit nalinginnaasut akisinnaavai, soorlu makku pillugit:
- netbank
- periarfissat sullissinerillu
- kortit, kontot, apeqqutillu bankimut tunngasut nalinginnaasut allat
Ivik siunnersortaanngilaq, taamaammat illit aningaasaqarnerit pillugu siunnersuisinnaanngilaq, aamma illit bankimi atukkatit pillugit apeqqutit akisinnaanngilai.
Illit sullitatut paasissutissaatitit aamma nuisissinnaanngilai.
Taamaammat paasissutissat inunnut ataasiakkaanut tunngasut paasissutissallu inniminartut chattimut allattassanngilatit, soorlu kontonormu, korti pillugu paasissutissat, CPR-normu, kodelluunniit isissutissat.
Iviup pitsanngorsarnissaanut ikiorniartigut
Ivik kukkusumik akissuteqassappat, apeqqutit paatsuussappagu, paasissutissalluunniit pingaarutillit minissimagunigit, akissutaa nalilerlugu kulloq ammut sammisoq toorsinnaavat, sunalu ajoqutaanersoq naatsumik allallugu.Ivik qallunaatuinnaq paasisarlunilu akisarpoq.
Qujanaq Iviup pitsanngorsarnissaanut ikiorusukkatsigut.