MobilePay – maanna kalaallisut oqaasertaqalerpoq kalaallillu normui atorneqarsinnaalerlutik
Nunatsinni innuttaasut kikkulluunniit maanna telefonnormutik nalinginnaasut toqqaannartumik MobilePayikkut atorsinnaalerpaat. Tamatuma saniatigut app-imi kalaallit oqaasii oqaaserineqarsinnaalernikuupput. Taamaasilluni MobilePay sullitanut privatinut inuussutissarsiortunullu akiliinermi atussallugu suli ajornannginnerulerpoq.
App-i kalaallisut oqaasertalik ima atulissavat
App-imi kalaallit oqaasii atorsinnaalerusukkukkit app-i opdateriinnassavat, app-imilu kalaallit oqaasii oqaatsitut atorneqartutut inissillugit.
Danskit normui pisariaarupput
App-i maanna nutarsarneqarnikuummat siornatigut piumasaqaataasimasoq Tusass aqqutigalugu danskit normuanik virtuelimik pilersitsisariaqarneq pisariaaruppoq.
MobilePayimi Nunatsinni mobilnormut ima atulissavat
- MobilePay app-i ammaruk
- “Uanga” iserfigiuk inuttullu paasissutissat toqqarlugit
- Telefonnormut allanngortikkumallugu tooruk
- Nunatsinni telefonnormut toortaruk immersukkatillu toqqorlugit
Maanna Nunatsinni telefonnormut atorlugu MobilePayip atulernissaanut piareerputit.